فقدان حاسة التذوق بسبب الزكام

السلام عليكم،
عندي مشكلة ما لقيتلهاش حتى حل!
عندي أكثر مالعام ماللي مرضت بالكورونا و تنحاتلي حاسة الشم و التذوق و بعد رجعوا تدريجيا كيما كانو، الا أنو في الشتاء اللي فات مرضت مرضة قوية برشا (grippe) خلاتني نعاود نفقد هالحاستين مرة أخرى (مع انو عملت تحليل و طلعت مش كورونا) الحاصيلو حاسة الشم رجعت بالرغم اللي ساعات نفقدها كيف نعطس لكن حاسة التذوق تنحاتلي ملي مرضت و الغريب في الأمر أنها ترجعلي شويا في النهار دقائق معدودة وبعد نرجع ما نطعمش بقية اليوم و خاصة في المساء و الليل... مشيت لطبيب متاع انف و حنجرة شافلي خشمي من داخل و قلي ما عندك شي و عطاني دواء ما عطاش مفعولو !! يرحم ولديكم راني كرهت الماكلة و تقطعتلي الشاهية بعد المرضة هاذي عاوني و شخصلي حالتي كان تعمل مزية.
(حبيت نزيدكم معلومة اني من قبل الكورونا كنت ساعات ك نمرض مرضة قوية يعني grippe نفقد هالحاستين و بعد يرجعو فيسع)
و شكرا